ಯುಗಯುಗಾದಿ ಕಳೆದರು .......

ಯುಗಯುಗಾದಿ ಕಳೆದರು .......ಯುಗಾದಿ ಮರಳಿ ಬರುತಿದೆ.. ದ.ರಾ.ಬೇಂದ್ರೆಯವರಿಂದ ರಚಿತಗೊಂಡ ಹಾಡನ್ನು ಮತ್ತೆ ಗುನುಗುತ್ತಿದ್ದಾರೆ.ಕಾರಣವೇನೆಂದರೆ.. ಯುಗಾದಿ ಮತ್ರೆ ಬರುತಿದೆ ... ಇನ್ನೆರಡು ದಿನದಲ್ಲಿ. ಕಾಲ ಗರ್ಭದಲ್ಲಿ ಮತ್ತೊಂದು ಸಂವತ್ಸರ ಲೀನವಾಗಿದೆ. ಹೊಸ ಆಸೆ ಕನಸುಗಳನು ಹೊತ್ತ ಹೊಸ ವರುಷ ನವೋಲ್ಲಾಸ, ಸಂಭ್ರಮದೊಂದಿಗೆ ಕಾಲಿರಿಸುತಿದೆ. ಭೂ ಮಾತೆಯೂ ಮೈಗೊಡವಿ ನಿಂತಂತೆ ಮರ ಗಿಡಗಳಲ್ಲಿನ ಹಣ್ಣೆಲೆ ಉದುರಿಸಿ ಹಸನಾದ ಚಿಗುರೆಲೆಗಳಿಂದ ಪ್ರಕೃತಿಯನ್ನು ಸಿಂಗರಿಸಿ ’ನವ ವಧು’ವಿನಂತೆ ಅಲಂಕೃತಗೊಂಡು ನೂತನ ವರ್ಷವನ್ನು ಸ್ವಾಗತಿಸುತ್ತಿದ್ದಾಳೆ.ಕಡು ಬೇಸಿಗೆಯಲ್ಲೂ ಪ್ರಕೃತಿಯಲ್ಲಿ ಕಣ್ಮನ ತಣಿಸುವ ಹಸಿರು ತುಂಬುವದು ಈ ಯುಗಾದಿಯ ಆರಂಭದಿಂದ. ಹೊಸ ಸಂವತ್ಸರವಾದ ’ಸರ್ವಜಿತ’ ಸರ್ವರಿಗೂ ಶುಭ ತರಲಿ.

"wish you happy Yugadi'